A puisia rintra a puisia

A puisia rintra a puisia

Ci vosiru sissant’anni di caminu,
pi truvari u curaggiu e pi scommiri,
pi mettiri d’accordu u me distinu
cu tuttu chiddu ca vuleva diri.

Quartine storti e scritti a l’ammalora,
mentre a machina curria pi i cantieri,
o pi dda strata longa, d’ura in ura,
versu Cotronei e i me pinzera veri.

Eranu appunti di un picciotteddu,
ca macinava sogni e chilometri,
mentre u suli scurava ddu ciriveddu
e a Sicilia mi rignia d’oru i metri.

U tempu sciddica e mai s’arresta,
ma l’affettu pi sta terra è un chiovu fissu,
scrivu in palermitanu, a lingua onesta,
pi diri ca u picciottu è sempri iddu stissu.

I culuri dâ strata, l’aria, i scogghi,
tuttu s’ammisca e addiventa un canali,
sta puisia rici: "nun ti nni scogghi",
picchì i radichi sunnu i nostri ali.

Oggi ca u munnu corre e nun s’afferra,
mi tegnu strittu u dialettu di eri,
pi fari sèntiri u scruscio di sta terra,
ca m’accumpagna ntra tutti i sentieri.

Filippo Santaluna 12/2025

 Traduzione in Italiano

 La poesia dentro la poesia

Ci sono voluti sessant’anni di cammino,
per trovare il coraggio e per scommettere,
per mettere d’accordo il mio destino
con tutto quello che volevo dire.

Quartine storte e scritte alla rinfusa,
mentre la macchina correva verso i cantieri,
o per quella strada lunga, d’ora in ora,
verso Cotronei e i miei pensieri veri.

Erano appunti di un ragazzetto,
che macinava sogni e chilometri,
mentre il sole scaldava quel cervello
e la Sicilia mi riempiva d’oro i metri.

Il tempo scivola e mai si ferma,
ma l’affetto per questa terra è un chiodo fisso,
scrivo in palermitano, la lingua onesta,
per dire che il ragazzo è sempre lui, lo stesso.

I colori della strada, l’aria, gli scogli,
tutto si mescola e diventa un canale,
questa poesia dice: "non te ne staccare",
perché le radici sono le nostre ali.

Oggi che il mondo corre e non si afferra,
mi tengo stretto il dialetto di ieri,
per far sentire il rumore di questa terra,
che m’accompagna tra tutti i sentieri

Filippo Santaluna 12/2025

#poesiasiciliana